شدید گریہ کا مطلب بتا رہا تھا ہمیں

شدید گریہ کا مطلب بتا رہا تھا ہمیں

وہ رو رہا تھا کہ رونا سکھا رہا تھا ہمیں

ہم اس کے اٹھے ہوئے ہاتھ کی طرف بھاگے

پتہ چلا کہ وہ رستہ دکھا رہا تھا ہمیں

پہاڑ اس کے علاقے میں ڈھیر ہوتے ہیں

وہ اپنے گاؤں کی باتیں سنا رہا تھا ہمیں

ہم اپنے آپ کو ویسا بنا سمجھ رہے تھے

ہمارے بارے میں جیسا بتا رہا تھا ہمیں

ضرور اس کا کوئی پیاس سے مرا ہوگا

وہ کتنے پیار سے پانی پلا رہا تھا ہمیں

بجھا رہا تھا چراغوں کو اپنی سانسوں سے

اور اپنے نور کی لو سے جلا رہا تھا ہمیں

shadid girya ka matlab bata raha tha hamen

wo ro raha tha ke rona sikha raha tha hamen

ham us ke uthe hue hath ki taraf bhage

pata chala ke wo rasta dikha raha tha hamen

pahar us ke ilaqe mein dher hote hain

wo apne gaon ki baten suna raha tha hamen

ham apne ap ko waisa bana samajh rahe the

hamare bare mein jaisa bata raha tha hamen

zarur us ka koi pyas se mira hoga

wo kitne pyar se pani pila raha tha hamen

bujha raha tha charaghon ko apni sanson se

aur apne nur ki lau se jala raha tha hamen