دل سے اک یاد بھلا دی گئی ہے

دل سے اک یاد بھلا دی گئی ہے

کسی غفلت کی سزا دی گئی ہے

میں نے منزل کی دعا مانگی تھی

میری رفتار بڑھا دی گئی ہے

عیب دیوار کے ہوں گے ظاہر

میری تصویر ہٹا دی گئی ہے

میں نے اک دل پہ حکومت کیا کی

مجھے تلوار تھما دی گئی ہے

اب محبت کا سبب ہے وحشت

ورنہ حسرت تو مٹا دی گئی ہے

اب یہاں سے نہیں جا سکتا کوئی

اب یہاں شمع جلا دی گئی ہے

مجھ میں اب پھول نہیں نہیں کھل سکتے

میری اب خاک اڑا دی گئی ہے

اس لئے جم کے یہاں بیٹھا ہوں

مجھ کو میری ہی جگہ دی گئی ہے

dil se ik yad bhula di gai hai

kisi ghaflat ki saza di gai hai

main ne manzil ki dua mangi thi

meri raftar barha di gai hai

aib diwar ke honge zahir

meri taswir hata di gai hai

main ne ik dil pe hukumat kiya ki

mujhe talwar thama di gai hai

ab mohabbat ka sabab hai wahshat

warna hasrat to mita di gai hai

ab yahan se nahin ja sakta koi

ab yahan shama jala di gai hai

mujh mein ab phul nahin nahin khul sakte

meri ab khak ura di gai hai

is liye jam ke yahan baitha hun

mujh ko meri hi jagah di gai hai