وقت کی طرح ترے ہاتھ سے نکلے ہوئے ہیں

وقت کی طرح ترے ہاتھ سے نکلے ہوئے ہیں

ہم ستارے ہیں مگر رات سے نکلے ہوئے ہیں

خامشی ہم پہ گری آخری مٹی کی طرح

ایسے چپ ہیں کہ ہر اک بات سے نکلے ہوئے ہیں

ہم کسی زعم میں ناراض ہوئے ہیں تجھ سے

ہم کسی بات پہ اوقات سے نکلے ہوئے ہیں

یہ مرا غم ہے مرے دوست مگر تو یہ سمجھ

اشک تو شدت جذبات سے نکلے ہوئے ہیں

ہم غلامی کو مقدر کی طرح جانتے ہیں

ہم تری جیت تری مات سے نکلے ہوئے ہیں

waqt ki tarah tire hath se nikle hue hain

ham sitare hain magar rat se nikle hue hain

khamushi ham pe giri akhiri mitti ki tarah

aise chup hain ke har ik bat se nikle hue hain

ham kisi zaam mein naraz hue hain tujh se

ham kisi bat pe auqat se nikle hue hain

ye mira gham hai mire dost magar tu ye samajh

ashk to shiddat-e-jazbat se nikle hue hain

ham ghulami ko muqaddar ki tarah jante hain

ham tiri jit tiri mat se nikle hue hain