جیسا ہوں جس حال میں ہوں اچھا ہوں میں

جیسا ہوں جس حال میں ہوں اچھا ہوں میں

تم نے زندہ سمجھا تو زندہ ہوں میں

اک آواز کے آتے ہی مر جاؤں گا

اک آواز کے سننے کو زندہ ہوں میں

کھلے ہوئے دروازے دستک بھول چکے

اندر آ جاؤ پہچان چکا ہوں میں

اور کوئی پہچان مری بنتی ہی نہیں

جانتے ہیں سب لوگ کہ بس تیرا ہوں میں

جانے کس کو راضی کرنا ہے مجھ کو

جانے کس کی خاطر ناچ رہا ہوں میں

اب تو یہ بھی یاد نہیں کہ محبت میں

کب سے تیرے پاس ہوں اور کتنا ہوں میں

jaisa hun jis hal mein hun achchha hun main

tum ne zinda samjha to zinda hun main

ik awaz ke ate hi mar jaunga

ik awaz ke sunne ko zinda hun main

khule hue darwaze dastak bhul chuke

andar a jao pahchan chuka hun main

aur koi pahchan miri banti hi nahin

jante hain sab log ke bas tera hun main

jane kis ko razi karna hai mujh ko

jane kis ki khatir nach raha hun main

ab to ye bhi yad nahin ke mohabbat mein

kab se tere pas hun aur kitna hun main