میں ایسے موڑ پر اپنی کہانی چھوڑ آیا ہوں

میں ایسے موڑ پر اپنی کہانی چھوڑ آیا ہوں

کسی کی آنکھ میں پانی ہی پانی چھوڑ آیا ہوں

ابھی تو اس سے ملنے کا بہانہ اور کرنا ہے

ابھی تو اس کے کمرے میں نشانی چھوڑ آیا ہوں

بس اتنا سوچ کر ہی مجھ کو اپنے پاس تم رکھ لو

تمہارے واسطے میں حکمرانی چھوڑ آیا ہوں

اسی خاطر مرے چاروں طرف پھیلا ہے سناٹا

کہیں میں اپنے لفظوں کے معانی چھوڑ آیا ہوں

ندیمؔ اس گردش افلاک کو میں چاک سمجھا تو

وہاں پر زندگی اپنی بنانی چھوڑ آیا ہوں

main aise mor par apni kahani chhor aya hun

kisi ki ankh mein pani hi pani chhor aya hun

abhi to us se milne ka bahana aur karna hai

abhi to us ke kamre mein nishani chhor aya hun

bas itna soch kar hi mujh ko apne pas tum rakh lo

tumhare waste main hukmarani chhor aya hun

isi khatir mire charon taraf phaila hai sannata

kahin main apne lafzon ke maani chhor aya hun

nadim is gardish-e-aflak ko main chak samjha to

wahan par zindagi apni banani chhor aya hun