تمام عمر جلے اور روشنی نہیں کی

تمام عمر جلے اور روشنی نہیں کی

یہ زندگی ہے تو پھر ہم نے زندگی نہیں کی

ستم تو یہ ہے کہ میرے خلاف بولتے ہیں

وہ لوگ جن سے کبھی میں نے بات بھی نہیں کی

جو دل میں آتا گیا صدق دل سے لکھتا گیا

دعائیں مانگی ہیں میں نے تو شاعری نہیں کی

بس اتنا ہے کہ مرا بخت ڈھل گیا اور پھر

مرے چراغ نے بھی مجھ پہ روشنی نہیں کی

مری سپاہ سے دنیا لرزنے لگتی ہے

مگر تمہاری تو میں نے برابری نہیں کی

کچھ اس لیے بھی اکیلا سا ہو گیا ہوں ندیمؔ

سبھی کو دوست بنایا ہے دشمنی نہیں کی

tamam umr jale aur raushni nahin ki

ye zindagi hai to phir ham ne zindagi nahin ki

sitam to ye hai ke mere khilaf bolte hain

wo log jin se kabhi main ne bat bhi nahin ki

jo dil mein ata gaya sidq-e-dil se likhta gaya

duaen mangi hain main ne to shayari nahin ki

bas itna hai ke mira bakht dhal gaya aur phir

mire charagh ne bhi mujh pe raushni nahin ki

miri sipah se duniya larazne lagti hai

magar tumhari to main ne barabari nahin ki

kuchh is liye bhi akela sa ho gaya hun nadim

sabhi ko dost banaya hai dushmani nahin ki