Arooz is now on the App Store, for iPhone and iPad. Download →

All poetry

میں کھجوروں بھرے صحراؤں میں دیکھا گیا ہوں

Nadeem Bhabha (b. 1977)

میں کھجوروں بھرے صحراؤں میں دیکھا گیا ہوں

تخت کے بعد ترے پاؤں میں دیکھا گیا ہوں

دفن ہوتی ہوئی جھیلوں میں ٹھکانے ہیں مرے

خشک ہوتے ہوئے دریاؤں میں دیکھا گیا ہوں

مسجدوں اور مزاروں میں مرے چرچے ہیں

مندروں اور کلیساؤں میں دیکھا گیا ہوں

لمحہ بھر کو مرے سر پر کوئی بادل آیا

کہنے والوں نے کہا چھاؤں میں دیکھا گیا ہوں

پھر مجھے خود بھی خبر ہو نہ سکی میں ہوں کہاں

آخری بار ترے گاؤں میں دیکھا گیا ہوں

وصل کے تین سو تیرہ میں کہیں ہوں موجود

ہجر کے معرکہ آراؤں میں دیکھا گیا ہوں