ان کے کہنے پہ لکھ رہے ہوتے

ان کے کہنے پہ لکھ رہے ہوتے

ہم بھی کیسٹ میں بج رہے ہوتے

چھوڑ دیتے اگر زمیں اپنی

آسمانوں میں اڑ رہے ہوتے

تھوڑی چالاکیاں جو آ جاتیں

ہم فرشتوں سے پج رہے ہوتے

بیچ دیتے جو ہم ضمیر اپنا

ہم بھی سکوں میں تل رہے ہوتے

وہ تو کہئے قلم نے روک لیا

ورنہ کوٹھوں پہ بک رہے ہوتے

un ke kahne pe likh rahe hote

ham bhi kesit mein baj rahe hote

chhor dete agar zamin apni

asmanon mein ur rahe hote

thori chalakiyan jo a jatin

ham farishton se pajj rahe hote

bech dete jo ham zamir apna

ham bhi sakun mein til rahe hote

wo to kahiye qalam ne rok liya

warna kothon pe bik rahe hote