Arooz is now on the App Store, for iPhone and iPad. Download →

All poetry

جب بھی اچھی زمین ڈھونڈھیں گے

Urmilesh (1951–2005)

جب بھی اچھی زمین ڈھونڈھیں گے

سب تری آستین ڈھونڈھیں گے

تیرے مرنے کی سوچنا پا کر

پہلے سب گلیسرین ڈھونڈھیں گے

تجھ کو مرگھٹ پہ چھوڑ کر یہ لوگ

شام کوئی حسین ڈھونڈھیں گے

تیرے بچے بھی ایک دن تجھ میں

چلتی پھرتی مشین ڈھونڈھیں گے

تیری لگھو پترکا پڑھے گا کون

سب بڑی میگزین ڈھونڈھیں گے

آدمی اتنا ہو گیا چھوٹا

لے کے ہم دوربین ڈھونڈھیں گے

ہم کو ہر صبح ایسا لگتا ہے

آج کچھ بہترین ڈھونڈھیں گے