کل نہ بدلا وہ آج بدلے گا

کل نہ بدلا وہ آج بدلے گا

وقت اپنا مزاج بدلے گا

آدمی کے یہاں تلاش کرو

آدمی ہی سماج بدلے گا

پھول مالا بنے رہے جو تم

کیسے کانٹوں کا راج بدلے گا

وہی افسر وہی چپراسی

کیسے سب کام کاج بدلے گا

وہ جو خود کو بدل نہیں سکتا

وہ بھلا کیا رواج بدلے گا

روگ بڑھتا ہی جا رہا ہے دوست

جانے وہ کب علاج بدلے گا

kal na badla wo aj badlega

waqt apna mizaj badlega

admi ke yahan talash karo

admi hi samaj badlega

phul mala bane rahe jo tum

kaise kanton ka raj badlega

wahi afsar wahi chaprasi

kaise sab kam kaj badlega

wo jo khud ko badal nahin sakta

wo bhala kya riwaj badlega

rog barhta hi ja raha hai dost

jane wo kab ilaj badlega