یہ خبر بھی چھاپئے گا آج کے اخبار میں

یہ خبر بھی چھاپئے گا آج کے اخبار میں

روح بھی بکنے لگی ہے جسم کے بازار میں

دیکھ کر بچوں کے فیشن وہ بھی ننگا ہو گیا

یہ اضافہ بھی ہوا اس دور کی رفتار میں

آج بستی میں مچا کہرام تو اس نے کہا

موت کس کے گھر ہوئی پڑھ لیں گے کل اخبار میں

اب تو ہر تیوہار کا ہم کو پتہ چلتا ہے تب

جب پولس کی گشت بڑھتی شہر کے بازار میں

اپنی شادی پہ چھپائے اس نے انگریزی میں کارڈ

وہ جو ہندی بولتا تھا روز کے بیوہار میں

وہ تڑپ وہ چٹھیاں وہ یاد وہ بے چینیاں

سب پرانے باٹ ہیں اب پیار کے بیوپار میں

میہمانوں کچھ نہ کچھ لے کر ہی جانا تم وہاں

دعوتیں اب ڈھل چکی ہیں پورے کاروبار میں

ye khabar bhi chhapiyega aj ke akhbar mein

ruh bhi bikne lagi hai jism ke bazar mein

dekh kar bachchon ke faishan wo bhi nanga ho gaya

ye izafa bhi hua is daur ki raftar mein

aj basti mein macha kohram to us ne kaha

maut kis ke ghar hui parh lenge kal akhbar mein

ab to har tewhar ka ham ko pata chalta hai tab

jab pulis ki gasht barhti shahr ke bazar mein

apni shadi pe chhupae us ne angrezi mein kard

wo jo hindi bolta tha roz ke bewhar mein

wo tarap wo chitthiyan wo yad wo be chiniyan

sab purane bat hain ab pyar ke byopar mein

mehmanon kuchh na kuchh le kar hi jana tum wahan

daawaten ab dhal chuki hain pure karobar mein