وہ جو غزلوں کے استاد ہیں دوستوں

وہ جو غزلوں کے استاد ہیں دوستوں

کیا کہیں کتنے جلاد ہیں دوستوں

زندگی کی زباں ان کو آتی نہیں

وہ کتابوں کی ایجاد ہے دوستوں

ایک بھی شعر غالب کا سمجھے نہیں

ویسے غالب کی اولاد ہیں دوستوں

بلبلوں سی وہ غزلیں سنواریں گے کیا

وہ تخلص سے صیاد ہیں دوستوں

کیا عجب شخص ہیں کچھ بھی سمجھے بنا

دے رہے داد پر داد ہیں دوستوں

ان کے شاگرد جو بھی ہیں برباد ہیں

اور وہ ہیں کہ آباد ہیں دوستوں

اب بھی ساقی صراحی میں الجھے ہیں وہ

گزرے وقتوں کی اک یاد ہیں دوستوں

wo jo ghazlon ke ustad hain doston

kya kahen kitne jallad hain doston

zindagi ki zaban un ko ati nahin

wo kitabon ki ijad hai doston

ek bhi sher ghalib ka samjhe nahin

waise ghalib ki aulad hain doston

bulbulon si wo ghazlen sanwarenge kya

wo takhallus se sayyad hain doston

kya ajab shakhs hain kuchh bhi samjhe bana

de rahe dad par dad hain doston

un ke shagird jo bhi hain barbad hain

aur wo hain ke abad hain doston

ab bhi saqi surahi mein uljhe hain wo

guzre waqton ki ik yad hain doston