ہم نہ اردو میں نہ ہندی میں غزل کہتے ہیں

ہم نہ اردو میں نہ ہندی میں غزل کہتے ہیں

ہم تو بس آپ کی بولی میں غزل کہتے ہیں

وہ امیری میں غزل کہتے ہیں کہتے ہوں گے

سچے شاعر تو فقیری میں غزل کہتے ہیں

ایسے شاعر بھی غریبی نے کیے ہیں پیدا

لیڈروں کی جو غلامی میں غزل کہتے ہیں

کس کو فرصت ہے جو اب شعر کہے اور سنے

وہی اچھے ہیں جو جلدی میں غزل کہتے ہیں

اب نہ مستی ہے نہ مستی کا سبب بھی کوئی

پھر بھی حیرت ہے وہ مستی میں غزل کہتے ہیں

آنکھیں مطلع ہیں ادھر جن کے ہیں حسن مطلع

اس جوانی کو جوانی میں غزل کہتے ہیں

وہ غزل کہتے ہیں معقول ہوا ملنے پر

ایک ہم ہیں کہ جو آندھی میں غزل کہتے ہیں

ham na urdu mein na hindi mein ghazal kahte hain

ham to bas ap ki boli mein ghazal kahte hain

wo amiri mein ghazal kahte hain kahte honge

sachche shayar to faqiri mein ghazal kahte hain

aise shayar bhi gharibi ne kiye hain paida

lidaron ki jo ghulami mein ghazal kahte hain

kis ko fursat hai jo ab sher kahe aur sune

wahi achchhe hain jo jaldi mein ghazal kahte hain

ab na masti hai na masti ka sabab bhi koi

phir bhi hairat hai wo masti mein ghazal kahte hain

ankhen matlaa hain idhar jin ke hain husn-e-matlaa

is jawani ko jawani mein ghazal kahte hain

wo ghazal kahte hain maaqul hua milne par

ek ham hain ke jo andhi mein ghazal kahte hain