ساز حیات قید و سلاسل کہیں کسے

ساز حیات قید و سلاسل کہیں کسے

جب دل ہی بجھ گیا ہو تو پھر دل کہیں کسے

روداد غم طویل تو اتنی نہیں مگر

کوئی کہاں ہے مد مقابل کہیں کسے

بچتے بچاتے موج حوادث سے آ کے ہم

ساحل پہ ڈوب جائیں تو ساحل کہیں کسے

دست دعا بھی کاٹ کے احباب چل دیئے

حال دل شکستہ میں شامل کہیں کسے

انجمؔ ہمارا عہد ہے بہروپیوں کا عہد

جو ہے نقاب پوش ہے قاتل کہیں کسے

saz-e-hayat qaid-o-salasil kahin kise

jab dil hi bujh gaya ho to phir dil kahin kise

rudad-e-gham tawil to itni nahin magar

koi kahan hai mad-e-muqabil kahin kise

bachte bachate mauj-e-hawadis se a ke ham

sahil pe dub jaen to sahil kahin kise

dast-e-dua bhi kat ke ahbab chal diye

hal-e-dil-e-shikasta mein shamil kahin kise

anjum hamara ahd hai bahrupiyon ka ahd

jo hai naqab posh hai qatil kahin kise