بے نیاز بہار سا کیوں ہے

بے نیاز بہار سا کیوں ہے

دل کو زخموں سے پیار سا کیوں ہے

وہ خفا ہیں کہ ہم غریبوں کو

غم پہ کچھ اختیار سا کیوں ہے

میری آنکھوں کے خواب تو غم ہیں

وہ مگر بے قرار سا کیوں ہے

عکس اس میں تھا کس کے چہرے کا

آئنہ سنگسار سا کیوں ہے

آہٹیں پاس آ کے دور ہوئیں

ہم کو پھر انتظار سا کیوں ہے

کیا کوئی صندلی مہک سی اڑی

دل مرا پر خمار سا کیوں ہے

زندگی تلخ ہے بہت انجمؔ

پھر بھی ظالم سے پیار سا کیوں ہے

be niyaz-e-bahar sa kyun hai

dil ko zakhmon se pyar sa kyun hai

wo khafa hain ke ham gharibon ko

gham pe kuchh ikhtiyar sa kyun hai

meri ankhon ke khwab to gham hain

wo magar be qarar sa kyun hai

aks is mein tha kis ke chehre ka

aina sangsar sa kyun hai

ahaten pas a ke daur huin

ham ko phir intizar sa kyun hai

kya koi sandali mahak si uri

dil mira pur khumar sa kyun hai

zindagi talkh hai bahut anjum

phir bhi zalim se pyar sa kyun hai