پہنچ کر شب کی سرحد پر اجالا ڈوب جاتا ہے

پہنچ کر شب کی سرحد پر اجالا ڈوب جاتا ہے

نہ ہو جس کا کوئی وہ بے سہارا ڈوب جاتا ہے

جسے گاتا ہے کوئی بربط صد چاک داماں پر

فضائے بے یقینی میں وہ نغمہ ڈوب جاتا ہے

یہاں تو دل کی باتیں ہیں ہمارا تجربہ ہے یہ

جو سطح آب پر رکھیے تو پیسہ ڈوب جاتا ہے

تعلق دیر سے مضبوط کرتا ہے جڑیں اپنی

ذرا سی چوک سے صدیوں کا رشتہ ڈوب جاتا ہے

تری یادوں کی دنیا سے کبھی جو دور ہوتا ہوں

اداسی گھیر لیتی ہے نظارا ڈوب جاتا ہے

نہ جانے کیا ہو تیرے شہر میں اب جا کے دیکھوں گا

یہاں تو اپنی قسمت کا ستارہ ڈوب جاتا ہے

ابل پڑتا ہے آفت کا کہیں لاوا تو پھر انجمؔ

غم و اندوہ میں معصوم چہرہ ڈوب جاتا ہے

pahunch kar shab ki sarhad par ujala dub jata hai

na ho jis ka koi wo be sahara dub jata hai

jise gata hai koi barbat-e-sad chak daman par

fazae be yaqini mein wo naghma dub jata hai

yahan to dil ki baten hain hamara tajriba hai ye

jo sath-e-ab par rakhiye to paisa dub jata hai

taalluq der se mazbut karta hai juren apni

zara si chok se sadiyon ka rishta dub jata hai

tiri yadon ki duniya se kabhi jo dur hota hun

udasi gher leti hai nazara dub jata hai

na jane kya ho tere shahr mein ab ja ke dekhunga

yahan to apni qismat ka sitara dub jata hai

ubal parta hai afat ka kahin lawa to phir anjum

gham-o-andoh mein maasum chehra dub jata hai