درد کے چاند کی تصویر غزل میں آئے

درد کے چاند کی تصویر غزل میں آئے

شعر لکھوں تو یہ تاثیر غزل میں آئے

سنتے آئے ہیں بہت ذکر حسیں خوابوں کا

اب کسی خواب کی تعبیر غزل میں آئے

ان کے چہرے کو میں اس طرح پڑھا کرتا ہوں

جیسے غم کی کوئی تفسیر غزل میں آئے

کھیت کھلیان سے جب سانولی صورت لوٹے

سرمئی شام کی تنویر غزل میں آئے

اپنے کردار کا کچھ عکس تو جھلکے انجمؔ

آئنہ کی کوئی تحریر غزل میں آئے

dard ke chand ki taswir ghazal mein ae

sher likhun to ye tasir ghazal mein ae

sunte ae hain bahut zikr hasin khwabon ka

ab kisi khwab ki taabir ghazal mein ae

un ke chehre ko main is tarah parha karta hun

jaise gham ki koi tafsir ghazal mein ae

khet khalyan se jab sanwli surat laute

surmai sham ki tanwir ghazal mein ae

apne kirdar ka kuchh aks to jhalke anjum

aina ki koi tahrir ghazal mein ae