خسارے میں رہے لیکن نہ چھوڑی سادگی ہم نے

خسارے میں رہے لیکن نہ چھوڑی سادگی ہم نے

بہ ہر صورت نبھائی دشمنوں سے دوستی ہم نے

سلف تھے جو ہمارے مثل خورشید و مہہ و انجم

انہی کے راستے پہ چل کے پائی روشنی ہم نے

ادب کے دائرے کو دے دی وسعت سارے عالم کی

کہ اس کی آبیاری کی برائے زندگی ہم نے

جہاں والو نہ مانو تم مگر سچ ہے کہ دنیا میں

بڑھایا ہے تہ خنجر وقار عاشقی ہم نے

یہاں سچ بولنے پر زہر کا پیالہ ہی ملتا ہے

عجب رسم ستم دیکھی ہے تیرے شہر کی ہم نے

وسائل جب کہ سارے ہو چکے تھے بے اثر انجمؔ

چراغ دل جلا کر دور کی ہے تیرگی ہم نے

khasare mein rahe lekin na chhori sadgi ham ne

ba har surat nibhai dushmanon se dosti ham ne

salaf the jo hamare misl-e-khurshid-o-maha-o-anjum

unhi ke raste pe chal ke pai raushni ham ne

adab ke daire ko de di wusat sare alam ki

ke us ki abiyari ki bara-e-zindagi ham ne

jahan walo na mano tum magar sach hai ke duniya mein

barhaya hai tah-e-khanjar waqar-e-ashiqi ham ne

yahan sach bolne par zahr ka pyala hi milta hai

ajab rasm-e-sitam dekhi hai tere shahr ki ham ne

wasail jab ke sare ho chuke the be asar anjum

charagh-e-dil jala kar dur ki hai tirgi ham ne