تجھے میں بھول جانا چاہتا ہوں

تجھے میں بھول جانا چاہتا ہوں

یوں دل کو آزمانا چاہتا ہوں

نہ چھیڑو آج درد و غم کے قصے

میں کھل کر مسکرانا چاہتا ہوں

مری تحویل میں جو بھی ہے یارو

تمہیں پہ سب لٹانا چاہتا ہوں

بہت بوجھل سے لگتے ہیں مناظر

میں ان سے دور جانا چاہتا ہوں

خیال و فکر کا دم گھٹ رہا ہے

نئی دنیا بنانا چاہتا ہوں

کسی کی یاد کی خوشبو کو انجمؔ

میں رگ رگ میں بسانا چاہتا ہوں

tujhe main bhul jana chahta hun

yun dil ko azmana chahta hun

na chhero aj dard-o-gham ke qisse

main khul kar muskurana chahta hun

miri tahwil mein jo bhi hai yaro

tumhen pe sab lutana chahta hun

bahut bojhal se lagte hain manazir

main un se dur jana chahta hun

khayal-o-fikr ka dam ghut raha hai

nai duniya banana chahta hun

kisi ki yad ki khushbu ko anjum

main rag rag mein basana chahta hun