مانجھی بوڑھا ناؤ پرانی

مانجھی بوڑھا ناؤ پرانی

اور ہوائیں ہیں طوفانی

اس پر طرہ تاریکی ہے

اور ندی میں ہے طغیانی

مل پائے گی منزل کیسے

برکھا رت ہے گہرا پانی

خلق وفا ایثار کی باتیں

لگتی ہیں اب مثل کہانی

پیری دور خزاں کی مظہر

اور بہاراں عہد جوانی

فرحتؔ غم کے دو پہلو ہیں

خشک لبی اور تر دامانی

manjhi burha nao purani

aur hawaen hain tufani

us par turra tariki hai

aur nadi mein hai tughyani

mil paegi manzil kaise

barkha rut hai gahra pani

khalq wafa isar ki baten

lagti hain ab misl-e-kahani

piri daur-e-khizan ki mazhar

aur baharan ahd-e-jawani

farhat gham ke do pahlu hain

khushk labi aur tar damani