مرے شعروں میں عکس زندگی ہے

مرے شعروں میں عکس زندگی ہے

جو دیکھا ہے سدا لکھا وہی ہے

مسرت ہے نہ آنکھوں میں نمی ہے

طبیعت میں عجب افسردگی ہے

لگی تھیں جس نشیمن پر نگاہیں

اسی پر تاک کے بجلی گری ہے

نہ سمجھے محسنوں کی جو اذیت

بھلا کس کام کا وہ آدمی ہے

مسافت ہے تھکن ہے اور میں ہوں

مرے ہمراہ میری بے کسی ہے

ہر اک کے دل میں ہے بغض و عداوت

یہ کیسا شہر امن و آشتی ہے

mire sheron mein aks-e-zindagi hai

jo dekha hai sada likha wahi hai

masarrat hai na ankhon mein nami hai

tabiat mein ajab afsurdagi hai

lagi thin jis nasheman par nigahen

usi par tak ke bijli giri hai

na samjhe mohsinon ki jo aziyyat

bhala kis kam ka wo admi hai

masafat hai thakan hai aur main hun

mire hamrah meri be kisi hai

har ik ke dil mein hai bughz-o-adawat

ye kaisa shahr amn-o-ashti hai