کرتا غیروں کے تعمیر گھر آدمی

کرتا غیروں کے تعمیر گھر آدمی

کر کے فٹ پاتھ پر خود بسر آدمی

اس قدر آج بے کار انساں ہوا

بھیڑ میں آ رہا اب نظر آدمی

ایک طوفاں میں کتنے مکاں ڈھ گئے

مشکلوں سے بنا پاتا گھر آدمی

عیب غیروں کے ہے ڈھونڈنے میں لگا

اپنے عیبوں سے ہے بے خبر آدمی

آج چھوٹے بڑوں کا نہیں ہے ادب

اپنی تہذیب سے بے اثر آدمی

مادر ہند پر جو بھی قرباں ہوا

مر کے بھی ہو گیا وہ امر آدمی

سائے میں جس کے انسان زندہ رہے

اس لئے ہے لگاتا شجر آدمی

karta ghairon ke taamir ghar admi

kar ke fit path par khud basar admi

is qadar aj be kar insan hua

bhir mein a raha ab nazar admi

ek tufan mein kitne makan dha gae

mushkilon se bana pata ghar admi

aib ghairon ke hai dhundne mein laga

apne aibon se hai be khabar admi

aj chhote baron ka nahin hai adab

apni tahzib se be asar admi

madar-e-hind par jo bhi qurban hua

mar ke bhi ho gaya wo amar admi

sae mein jis ke insan zinda rahe

is liye hai lagata shajar admi