کمایا لٹایا بچایا نہیں

کمایا لٹایا بچایا نہیں

مگر ایک پیسہ گنوایا نہیں

کبھی کوئی خوابوں میں آیا نہیں

مقدر مرا جگمگایا نہیں

کرم یہ رہا دوستوں کا مرے

کبھی ایک پل مسکرایا نہیں

وہ چاہت وہ حسرت وہ وعدے وفا

جنہیں آج بھی بھول پایا نہیں

عیاں زندگی کا ہر ایک پرشٹھ ہے

زمانہ سے ہم نے چھپایا نہیں

کٹا ڈالے سر ہیں وطن کے لیے

مگر سر کو اپنے جھکایا نہیں

ہے لہروں کا احسان مدھوکرؔ بہت

سمندر ڈبا مجھ کو پایا نہیں

kamaya lutaya bachaya nahin

magar ek paisa ganwaya nahin

kabhi koi khwabon mein aya nahin

muqaddar mira jagmagaya nahin

karam ye raha doston ka mire

kabhi ek pal muskuraya nahin

wo chahat wo hasrat wo waade wafa

jinhen aj bhi bhul paya nahin

ayan zindagi ka har ek purshath hai

zamana se ham ne chhupaya nahin

kata dale sar hain watan ke liye

magar sar ko apne jhukaya nahin

hai lahron ka ehsan madhukar bahut

samundar daba mujh ko paya nahin