ندی کی ناؤ کی یا حوصلوں کی

ندی کی ناؤ کی یا حوصلوں کی

کہانی تو سناؤ دل جلوں کی

جہاں پر راستہ گم ہو گیا تھا

وہیں سے راہ نکلی منزلوں کی

میری آنکھوں سے آنسو بہہ رہے ہیں

سنی تھی چیخ میں نے گھائلوں کی

سمندر کو نظر آئے نہ آئے

اداسی کم نہیں ہے ساحلوں کی

کبھی فرصت ملے تو پوچھ لینا

بہت مشکل ہے باتیں مشکلوں کی

nadi ki nao ki ya hauslon ki

kahani to sunao dil jalon ki

jahan par rasta gum ho gaya tha

wahin se rah nikli manzilon ki

meri ankhon se ansu bah rahe hain

suni thi chikh main ne ghayalon ki

samundar ko nazar ae na ae

udasi kam nahin hai sahilon ki

kabhi fursat mile to puchh lena

bahut mushkil hai baten mushkilon ki