اپنے دل کا حال سنانا کم سے کم

اپنے دل کا حال سنانا کم سے کم

آنکھوں میں آنسو بھی لانا کم سے کم

ملنے والی چیزیں خود مل جاتی ہیں

اپنے دامن کو پھیلانا کم سے کم

دل کے رشتے دھن دولت پر بھاری ہیں

دنیا کے دستور نبھانا کم سے کم

رہزنوں بے شک سے تم لوٹو گھر میرا

پر سپنوں میں سیندھ لگانا کم سے کم

زیادہ جھکنے پر پگڑی گر سکتی ہے

درباروں میں شیش جھکانا کم سے کم

زیادہ سے زیادہ سنانا سب کے من کی

اپنے بارے میں بتلانا کم سے کم

apne dil ka hal sunana kam se kam

ankhon mein ansu bhi lana kam se kam

milne wali chizen khud mil jati hain

apne daman ko phailana kam se kam

dil ke rishte dhun daulat par bhari hain

duniya ke dastur nibhana kam se kam

rahzanon be shak se tum lauto ghar mera

par sapnon mein sindh lagana kam se kam

ziyada jhukne par pagri gar sakti hai

darbaron mein shish jhukana kam se kam

ziyada se ziyada sunana sab ke man ki

apne bare mein batlana kam se kam