گو کسی کا پیار ہوں دستار ہوں ایمان ہوں

گو کسی کا پیار ہوں دستار ہوں ایمان ہوں

اپنے گھر میں میں مگر بے کار سا سامان ہوں

شیشہ گر تو نے نفاست سے تراشا ہے مجھے

کیا خبر تجھ کو کہ اب پتھر کا اک میدان ہوں

کوئی پڑھتا ہے مجھے شام و سحر یوں با وضو

اور کسی کے واسطے سادہ سا اک فرمان ہوں

چل رہی ہوں ہولے ہولے چاند کی مانند میں

یہ بھی سچ ہے کہکشاں کا ایک روشن دان ہوں

ہے پہننی خاک کی نکھری قبا اک دن شغفؔ

آخری دن کا ابھی سے دیکھیے سامان ہوں

go kisi ka pyar hun dastar hun iman hun

apne ghar mein main magar be kar sa saman hun

shisha gar tu ne nafasat se tarasha hai mujhe

kya khabar tujh ko ke ab patthar ka ik maidan hun

koi parhta hai mujhe sham-o-sahar yun ba wuzu

aur kisi ke waste sada sa ik farman hun

chal rahi hun haule haule chand ki manind mein

ye bhi sach hai kahkashan ka ek raushan dan hun

hai pahanni khak ki nikhri qaba ik din shaghaf

akhiri din ka abhi se dekhiye saman hun