حد جنوں کے پار بھی جاتی رہی ہوں میں

حد جنوں کے پار بھی جاتی رہی ہوں میں

دامن سے اپنے آگ بجھاتی رہی ہوں میں

سب دیکھتے رہے ہیں تماشا کھڑے کھڑے

ہنس کر بدن کی خاک اڑاتی رہی ہوں میں

زنجیروں میں مری کوئی جھنکار تو نہیں

اشکوں سے اپنے شور مچاتی رہی ہوں میں

رکھا ہے سب نے قید قفس میں مجھے مگر

زنداں میں آفتاب کو لاتی رہی ہوں میں

کھینچی تھی آسماں پہ نگہ سے لکیر اک

آہوں سے ضرب روح مٹاتی رہی ہوں میں

وحشت میں رو برو جو فرشتے ہوئے شغفؔ

حرف دعا بھی ان کو پڑھاتی رہی ہوں میں

had-e-junun ke par bhi jati rahi hun main

daman se apne ag bujhati rahi hun main

sab dekhte rahe hain tamasha khare khare

hans kar badan ki khak urati rahi hun main

zanjiron mein miri koi jhankar to nahin

ashkon se apne shor machati rahi hun main

rakha hai sab ne qaid-e-qafas mein mujhe magar

zindan mein aftab ko lati rahi hun main

khinchi thi asman pe nigah se lakir ik

ahon se zarb ruh mitati rahi hun main

wahshat mein ru baro jo farishte hue shaghaf

harf-e-dua bhi un ko parhati rahi hun main