لب کو تیرے مے کشی دے جاؤں گی

لب کو تیرے مے کشی دے جاؤں گی

اور زباں کو شاعری دے جاؤں گی

یوں نظر انداز نہ کر ہم نشیں

تیری پلکوں پر نمی دے جاؤں گی

راس نہ آئے گی تجھ کو بزم خاص

انجمن کو وہ کمی دے جاؤں گی

خالی ہوگا دل کا جب کشکول تب

میں انا کو مفلسی دے جاؤں گی

تو بظاہر ہوگا اک دانش مگر

قیس سی دیوانگی دے جاؤں گی

کاش تو ہوتا تجسس آشنا

روح کو میں تشنگی دے جاؤں گی

تیرے محور کا قمر بن کر شغفؔ

میں سدا کی تیرگی دے جاؤں گی

lab ko tere mai kashi de jaungi

aur zaban ko shayari de jaungi

yun nazar andaz na kar ham nashin

teri palkon par nami de jaungi

ras na aegi tujh ko bazm-e-khas

anjuman ko wo kami de jaungi

khali hoga dil ka jab kashkol tab

main ana ko muflisi de jaungi

tu bazahir hoga ik danish magar

qais si diwangi de jaungi

kash tu hota tajassus ashna

ruh ko main tishnagi de jaungi

tere mehwar ka qamar ban kar shaghaf

main sada ki tirgi de jaungi