اس سے دامن کو چھڑانا بھی نہیں چاہتے ہم

اس سے دامن کو چھڑانا بھی نہیں چاہتے ہم

اس قدر خود کو ستانا بھی نہیں چاہتے ہم

ہم نے دل سے اسے باہر تو نکالا ہے مگر

اس کو ویرانہ بنانا بھی نہیں چاہتے ہم

میں ہوں کھنڈر در و دیوار بھی گر جائیں گے

اس کو دلہن سا سجانا بھی نہیں چاہتے ہم

اب تو سورج کی شعاعوں نے سمیٹا ہے بدن

اس کی بانہوں میں ٹھکانہ بھی نہیں چاہتے ہم

رات کی رانی میں بنتی رہی اس آنگن کی

خود کو شرطوں پہ مٹانا بھی نہیں چاہتے ہم

ساری حد پار کی ٔہے ہم نے محبت کی مگر

دشت میں کوئی دوانہ بھی نہیں چاہتے ہم

رنج و غم اشکوں کے شبنم ہی شغفؔ کافی ہیں

مثل خیرات خزانہ بھی نہیں چاہتے ہم

us se daman ko chhurana bhi nahin chahte ham

is qadar khud ko satana bhi nahin chahte ham

ham ne dil se use bahar to nikala hai magar

us ko wirana banana bhi nahin chahte ham

main hun khandar dar-o-diwar bhi gir jaenge

us ko dulhan sa sajana bhi nahin chahte ham

ab to suraj ki shuaon ne sameta hai badan

us ki banhon mein thikana bhi nahin chahte ham

rat ki rani mein banti rahi is angan ki

khud ko sharton pe mitana bhi nahin chahte ham

sari had par ki hai ham ne mohabbat ki magar

dasht mein koi diwana bhi nahin chahte ham

ranj-o-gham ashkon ke shabnam hi shaghaf kafi hain

misl-e-khairat khazana bhi nahin chahte ham