Arooz is now on the App Store, for iPhone and iPad. Download →

All poetry

عشق میں ایسا اک مقام بھی ہو

Parveen Shaghaf (b. 1980)

عشق میں ایسا اک مقام بھی ہو

خامشی جس میں ہم کلام بھی ہو

ایسا افسانہ کوئی لکھا جائے

جس میں لکھا مرا پیام بھی ہو

کیوں نظر بند ہوں بیاں میرے

کچھ بیاں میرے خاص و عام بھی ہو

دل ناداں ذرا ادب سے دھڑک

پیار کا تھوڑا احترام بھی ہو

گل تازہ کی طرح مہکے شغفؔ

پت جھڑوں میں کوئی وہ شام بھی ہو