جانے وہ چیز کیا تھی جو چمکی زمین پر

جانے وہ چیز کیا تھی جو چمکی زمین پر

اجلے سے لوگ آ گرے میلی زمین پر

تیرے لیے وہ دھوپ کا ٹکڑا رہا رہے

میرے لیے تو آگ سی برسی زمین پر

سورج نے دی جو آگ وہ سورج میں گھول دی

تھی راکھ اس زمیں کی سو رکھ دی زمین پر

یہ بد حواس جسم کسی کام کا نہیں

لگتا ہے جیسے لاش ہو جلتی زمین پر

یہ فاصلہ نہیں ہے ضرورت کی بات ہے

تتلی ہے پھول پر تو ہے چینٹی زمین پر

پہلے پہل تو میں اسے شاعر نہیں لگا

اب شعر کہہ رہا ہے وہ میری زمین پر

jane wo chiz kya thi jo chamki zamin par

ujle se log a gire maili zamin par

tere liye wo dhup ka tukra raha rahe

mere liye to ag si barsi zamin par

suraj ne di jo ag wo suraj mein ghol di

thi rakh is zamin ki so rakh di zamin par

ye bad hawas jism kisi kam ka nahin

lagta hai jaise lash ho jalti zamin par

ye fasla nahin hai zarurat ki bat hai

titli hai phul par to hai chainti zamin par

pahle pahal to main use shayar nahin laga

ab sher kah raha hai wo meri zamin par