بے سبب چاک پر دھرے تھے ہم

بے سبب چاک پر دھرے تھے ہم

بنتے بنتے بھی کیا بنے تھے ہم

ضبط غم ہار ہی گیا آخر

اس کو دیکھا تو رو پڑے تھے ہم

تجھ کو کانٹے کہاں سے لگ جاتے

آگے آگے جو چل رہے تھے ہم

حادثہ کس طرف کو لے آیا

گھر سے کیا سوچ کر چلے تھے ہم

سچ بتا خالق جہان خراب

اس تماشے کو ہی بنے تھے ہم

ہو گئی شام تب ملی دنیا

سارا دن ڈھونڈے پھرے تھے ہم

be sabab chak par dhare the ham

bante bante bhi kya bane the ham

zabt-e-gham har hi gaya akhir

us ko dekha to ro pare the ham

tujh ko kante kahan se lag jate

age age jo chal rahe the ham

hadisa kis taraf ko le aya

ghar se kya soch kar chale the ham

sach bata khaliq-e-jahan-e-kharab

is tamashe ko hi bane the ham

ho gai sham tab mili duniya

sara din dhunde phire the ham