جب تماشے کا نہ ہو چھوڑ کے آنے کا ملال

جب تماشے کا نہ ہو چھوڑ کے آنے کا ملال

کیوں ہو پھر کھیل کے آداب نبھانے کا ملال

ایسی تنہائی کی لت ہے اسے بس کیا کہیے

گھر کو ہوتا ہے مرے لوٹ کے آنے کا ملال

کیسا مایوس تھا وہ دور خزاں بھی مت پوچھ

تھا اسے شاخ سے پتوں کو گرانے کا ملال

پہلے تو اس کو بھلانے میں کئی سال لگے

اب کئی سال سے ہے اس کو بھلانے کا ملال

تیری دنیا کی طرف تھی مرے دل کی منزل

دل کو اب تک ہے اسی گزرے زمانے کا ملال

jab tamashe ka na ho chhor ke ane ka malal

kyun ho phir khel ke adab nibhane ka malal

aisi tanhai ki lat hai use bas kya kahiye

ghar ko hota hai mire laut ke ane ka malal

kaisa mayus tha wo daur-e-khizan bhi mat puchh

tha use shakh se patton ko girane ka malal

pahle to us ko bhulane mein kai sal lage

ab kai sal se hai us ko bhulane ka malal

teri duniya ki taraf thi mire dil ki manzil

dil ko ab tak hai isi guzre zamane ka malal