Arooz is now on the App Store, for iPhone and iPad. Download →

All poetry

یوں بھی میرا بیاں الگ ہے کچھ

Charagh Barelvi (b. 1988)

یوں بھی میرا بیاں الگ ہے کچھ

کیوں کہ میری زباں الگ ہے کچھ

آخری بار جل رہا ہوں کیا

اب کے میرا دھواں الگ ہے کچھ

صرف شکلیں ہی ہیں الگ ورنہ

تجھ میں مجھ میں کہاں الگ ہے کچھ

جا کہ تجھ کو معاف کرتے ہیں

رنج دنیا یہاں الگ ہے کچھ

کھولنی ہے زباں قلم کی آج

دل میں اٹھتی فغاں الگ ہے کچھ

ہم ہیں منکر تو کیوں کریں سجدہ

کیا ترا آستاں الگ ہے کچھ