پیاس کو دریا رہا اور خاک کو صحرا رہا

پیاس کو دریا رہا اور خاک کو صحرا رہا

اس کے معنی یہ ہوئے کے یہ سفر اچھا رہا

اب میں ڈوبا تب میں ڈوبا بس اسی امید میں

اک سمندر پاس میرے رات بھر بیٹھا رہا

میں کوئی منزل نہیں تھا میل کا پتھر تھا بس

بعد میرے بھی مسلسل راستہ چلتا رہا

ایک آہٹ آ کے میرے در سے واپس ہو گئی

اور میں کانوں کو تکیے سے دبا سوتا رہا

سن لیا تھا ایک دن اک سانس ہوگی آخری

اور پھر ہر سانس پہ اس سانس کا دھڑکا رہا

اک ذرا حضرت نے سب کچھ ہی بدل کر رکھ دیا

جو کبھی اک شخص تھا اب وہ فقط چہرہ رہا

زندگی اب اور کوئی غم دیا تو دیکھیو

خاک کر دوں گا تجھے میں یہ مرا وعدہ رہا

pyas ko dariya raha aur khak ko sahra raha

us ke maani ye hue ke ye safar achchha raha

ab main duba tab main duba bas isi ummid mein

ik samundar pas mere rat bhar baitha raha

main koi manzil nahin tha mel ka patthar tha bas

baad mere bhi musalsal rasta chalta raha

ek ahat a ke mere dar se wapas ho gai

aur main kanon ko takiye se daba sota raha

sun liya tha ek din ik sans hogi akhiri

aur phir har sans pe is sans ka dharka raha

ik zara hazrat ne sab kuchh hi badal kar rakh diya

jo kabhi ik shakhs tha ab wo faqat chehra raha

zindagi ab aur koi gham diya to dekhiyo

khak kar dunga tujhe main ye mira waada raha