غم کہ تھا حریف جاں اب حریف جاناں ہے

غم کہ تھا حریف جاں اب حریف جاناں ہے

اب وہ زلف برہم ہے اب وہ چشم گریاں ہے

وسعتوں میں دامن کی ان دنوں گریباں ہے

ہم نفس کہیں شاید موسم بہاراں ہے

رنگ و بو کے پردے میں کون یہ خراماں ہے

ہر نفس معطر ہے ہر نظر غزل خواں ہے

بندگی یہ کیا جانے دیر کیا حرم کیا ہے

ہم جہاں پہ ہیں واعظ کفر ہے نہ ایماں ہے

شکریہ مگر ناصح تو یہ راز کیا سمجھے

جور برملا ان کا التفات پنہاں ہے

gham ke tha harif-e-jan ab harif-e-janan hai

ab wo zulf-e-barham hai ab wo chashm-e-giryan hai

wusaton mein daman ki in dinon gareban hai

ham nafas kahin shayad mausam-e-baharan hai

rang-o-bu ke parde mein kaun ye khiraman hai

har nafas muattar hai har nazar ghazal khwan hai

bandagi ye kya jane der kya haram kya hai

ham jahan pe hain waiz kufr hai na iman hai

shukriya magar naseh to ye raz kya samjhe

jaur-e-barmala un ka iltifat pinhan hai