دیار خواب سے آگے سفر کرنے کا دن ہے

دیار خواب سے آگے سفر کرنے کا دن ہے

تو کیا یہ قصۂ جاں مختصر کرنے کا دن ہے

بلاوا آ گیا ہے پھر مجھے صحرا نوردی کا

یہی تو زندگی کو ہم سفر کرنے کا دن ہے

مجھے رقص جنوں کرنا پڑے گا شام ہونے تک

مدارات ہجوم دیدہ تر کرنے کا دن ہے

خزاں کی بدحواسی اس کے چہرے سے ہے ظاہر

جہاں کو موسم گل کی خبر کرنے کا دن ہے

یہ خاشاک سماعت خاک ہونا چاہتے ہیں

زباں کو آج اپنی شعلہ گر کرنے کا دن ہے

ہوا ہے دیدنی منظر زمیں سے آسماں کا

قفس میں آرزوئے بال و پر کرنے کا دن ہے

dayar-e-khwab se age safar karne ka din hai

to kya ye qissa-e-jan mukhtasar karne ka din hai

bulawa a gaya hai phir mujhe sahra nawardi ka

yahi to zindagi ko ham safar karne ka din hai

mujhe raqs-e-junun karna parega sham hone tak

madarat-e-hujum-e-dida tar karne ka din hai

khizan ki badhawasi us ke chehre se hai zahir

jahan ko mausam-e-gul ki khabar karne ka din hai

ye khashak-e-samaat khak hona chahte hain

zaban ko aj apni shola gar karne ka din hai

hua hai didani manzar zamin se asman ka

qafas mein arzu-e-bal-o-par karne ka din hai