پڑے ہیں راہ میں جو لوگ بے سبب کب سے

پڑے ہیں راہ میں جو لوگ بے سبب کب سے

پکارتی ہے انہیں منزل طلب کب سے

یہ اور بات مکینوں کو کچھ خبر نہ ہوئی

لگا رہے تھے محافظ مگر نقب کب سے

کوئی بھی حربۂ تشہیر کارگر نہ ہوا

تماشبیں ہی رہی شہرت ادب کب سے

اکھڑ گئی ہیں طنابیں ستم کے خیموں کی

الٹ گئی ہے بساط حسب نسب کب سے

نہ حوصلہ ہے دعا کا نہ آہ پر ہے یقیں

کہ ہم سے روٹھ گیا ہے ہمارا رب کب سے

سمندروں سے کوئی موج سر بلند اٹھے

کہ ساحلوں پہ تڑپتے ہیں جاں بہ لب کب سے

وہ ہم نے چن دیے تنقید کی صلیبوں پر

مچل رہے تھے جو کچھ حرف زیر لب کب سے

pare hain rah mein jo log be sabab kab se

pukarti hai unhen manzil-e-talab kab se

ye aur bat makinon ko kuchh khabar na hui

laga rahe the muhafiz magar naqb kab se

koi bhi harba-e-tashhir kargar na hua

tamashbin hi rahi shohrat adab kab se

ukhar gai hain tanaben sitam ke khemon ki

ulat gai hai bisat-e-hasb-e-nasab kab se

na hausla hai dua ka na ah par hai yaqin

ke ham se ruth gaya hai hamara rab kab se

samundaron se koi mauj sar buland uthe

ke sahilon pe tarapte hain jan ba lab kab se

wo ham ne chun diye tanqid ki salibon par

machal rahe the jo kuchh harf-e-zer-e-lab kab se