کار دنیا کے تقاضوں کو نبھانے میں کٹی

کار دنیا کے تقاضوں کو نبھانے میں کٹی

زندگی ریت کی دیوار اٹھانے میں کٹی

اب بھی روشن ہے ترے دل میں محبت کا دیا

رات پھر شمع یقیں ساز جلانے میں کٹی

تشنگی وہ تھی کوئی کار وفا ہو نہ سکا

عمر بے مایہ فقط پیاس بجھانے میں کٹی

ساعت وصل جو دیکھے تھے خد و خال ترے

ہجر کی شب وہی تصویر بنانے میں کٹی

ایک انگشت شہادت کہ ابھی باقی تھی

وہ بھی اس بار تری سمت اٹھانے میں کٹی

kar-e-duniya ke taqazon ko nibhane mein kati

zindagi ret ki diwar uthane mein kati

ab bhi raushan hai tire dil mein mohabbat ka diya

rat phir sham-e-yaqin saz jalane mein kati

tishnagi wo thi koi kar wafa ho na saka

umr be maya faqat pyas bujhane mein kati

saat-e-wasl jo dekhe the khad-o-khal tire

hijr ki shab wahi taswir banane mein kati

ek angishat-e-shahadat ke abhi baqi thi

wo bhi is bar tiri samt uthane mein kati