منظر روز بدل دیتا ہوں اپنی نرم خیالی سے

منظر روز بدل دیتا ہوں اپنی نرم خیالی سے

شام شفق میں ڈھل جاتی ہے رنگ حنا کی لالی سے

تجھ سے بچھڑ کر زندہ رہنا اپنے سوگ میں جینا ہے

دل اک پھول تھا خوشبو والا ٹوٹ گیا ہے ڈالی سے

شہر طرب کو جانے کس کی نظر لگی ہے آج کی شب

رستے بھی ویران پڑے ہیں گھر لگتے ہیں خالی سے

دنیا والے جس کو اکثر رونا دھونا کہتے ہیں

آنکھیں دریا بن جاتی ہے جذبوں کی سیالی سے

دھول بھرے رستوں کے سفر نے طرز فکر بدل ڈالا

خوف زدہ سی رہنے لگی ہے خاک بدن پامالی سے

manzar roz badal deta hun apni narm khayali se

sham shafaq mein dhal jati hai rang-e-hina ki lali se

tujh se bichhar kar zinda rahna apne sog mein jina hai

dil ik phul tha khushbu wala tut gaya hai dali se

shahr-e-tarab ko jane kis ki nazar lagi hai aj ki shab

raste bhi wiran pare hain ghar lagte hain khali se

duniya wale jis ko aksar rona dhona kahte hain

ankhen dariya ban jati hai jazbon ki sayyali se

dhul bhare raston ke safar ne tarz-e-fikr badal dala

khauf zada si rahne lagi hai khak badan pamali se