کب تک اس کا ہجر مناتا صحرا چھوڑ دیا

کب تک اس کا ہجر مناتا صحرا چھوڑ دیا

جینے کی امید میں میں نے کیا کیا چھوڑ دیا

میرے ساتھ لگا رہتا ہے یادوں کا بادل

دھوپ بھرے رستوں پر اس نے سایہ چھوڑ دیا

ہر چہرے پر اک چہرے کا دھوکہ ہوتا ہے

کس نے مجھ کو اس بستی میں تنہا چھوڑ دیا

دنیا سب کچھ جان گئی ہے میرے بارے میں

بنت الم نے نامحرم سے پردہ چھوڑ دیا

پہلے پہلے خوف بہت آتا تھا مرنے سے

پھر وہ منزل آئی میں نے ڈرنا چھوڑ دیا

kab tak us ka hijr manata sahra chhor diya

jine ki umid mein main ne kiya kya chhor diya

mere sath laga rahta hai yadon ka badal

dhup bhare raston par us ne saya chhor diya

har chehre par ik chehre ka dhoka hota hai

kis ne mujh ko is basti mein tanha chhor diya

duniya sab kuchh jan gai hai mere bare mein

bint-e-alam ne namahram se parda chhor diya

pahle pahle khauf bahut ata tha marne se

phir wo manzil ai main ne darna chhor diya