خشک دریاؤں کو پانی دے خدا

خشک دریاؤں کو پانی دے خدا

بادبانوں کو روانی دے خدا

بے سماعت کر دے سارے شہر کو

یا مجھے پھر بے زبانی دے خدا

کب تلک بے معجزہ ہو کر جیوں

کوئی تو اپنی نشانی دے خدا

چھوٹ جاؤں وسعتوں کی قید سے

وحشتوں کو لا مکانی دے خدا

سیکڑوں ہم زاد ہیں میرے یہاں

مجھ کو لیکن میرا ثانی دے خدا

khushk dariyaon ko pani de khuda

badbanon ko rawani de khuda

be samaat kar de sare shahr ko

ya mujhe phir be zabani de khuda

kab talak be mojiza ho kar jyun

koi to apni nishani de khuda

chhut jaun wusaton ki qaid se

wahshaton ko la makani de khuda

saikron ham zad hain mere yahan

mujh ko lekin mera sani de khuda