حصول منزل جاں کا ہنر نہیں آیا

حصول منزل جاں کا ہنر نہیں آیا

وہ روشنی تھی کہ کچھ بھی نظر نہیں آیا

بھٹک رہے ہیں ابھی زیست کے سرابوں میں

مسافروں کو شعور سفر نہیں آیا

تمام رات ستارہ شناس روتے رہے

نظر گنوا دی ستارہ نظر نہیں آیا

ہزار منتیں کیں واسطے خدا کے دیے

یہ راہ راست پہ وہ راہ بر نہیں آیا

زبان شعر پہ مہر سکوت ہے اب تک

جلال صوت و سخن رنگ پر نہیں آیا

وہ تک رہے ہیں ازل سے فراز گردوں پر

نظر کسی کو بھی نجم سحر نہیں آیا

ہمارے شہر کے ہر سنگ بار سے یہ کہو

ہماری شاخ شجر پر ثمر نہیں آیا

ہر ایک موڑ پہ ہم نے بہت صدائیں دیں

سفر تمام ہوا ہم سفر نہیں آیا

دیار غیر سے میرا وہ سر پھرا بیٹا

گیا ہے گھر سے تو پھر لوٹ کر نہیں آیا

husul-e-manzil jan ka hunar nahin aya

wo raushni thi ke kuchh bhi nazar nahin aya

bhatak rahe hain abhi zist ke sarabon mein

musafiron ko shuur-e-safar nahin aya

tamam rat sitara shanas rote rahe

nazar ganwa di sitara nazar nahin aya

hazar minnaten kin waste khuda ke diye

ye rah-e-rast pe wo rah bar nahin aya

zaban-e-sher pe mehr-e-sukut hai ab tak

jalal saut-o-sukhan rang par nahin aya

wo tak rahe hain azal se faraz-e-gardun par

nazar kisi ko bhi najm-e-sahar nahin aya

hamare shahr ke har sang bar se ye kaho

hamari shakh-e-shajar par samar nahin aya

har ek mor pe ham ne bahut sadaen den

safar tamam hua ham safar nahin aya

dayar-e-ghair se mera wo sar phira beta

gaya hai ghar se to phir laut kar nahin aya