تو بھی فریادی ہوا تھا التجا میں نے بھی کی

تو بھی فریادی ہوا تھا التجا میں نے بھی کی

تو نہ تھا مجرم اکیلا ہاں خطا میں نے بھی کی

ظلم دونوں نے کیا تھا دونوں تھے اس میں شریک

ابتدا گر تو نے کی تو انتہا میں نے بھی کی

صرف تو نے ہی نہیں کی جستجوئے چارہ گر

درد جب حد سے بڑھا تو کچھ دوا میں نے بھی کی

کس نے کیا مانگا فلک سے اور کس کو کیا ملا

ہاتھ تو نے بھی اٹھائے تھے دعا میں نے بھی کی

میں ترا حصہ نہ بن پایا یہ اچھا ہی ہوا

گو یہ خواہش اے ہجوم دل ربا میں نے بھی کی

سبزۂ بیگانہ سے رشتہ مرا کچھ کم نہیں

اس چمن کی آبیاری اے گھٹا میں نے بھی کی

tu bhi fariyadi hua tha iltija main ne bhi ki

tu na tha mujrim akela han khata main ne bhi ki

zulm donon ne kiya tha donon the is mein sharik

ibtida gar tu ne ki to intiha main ne bhi ki

sirf tu ne hi nahin ki justuju-e-chara gar

dard jab had se barha to kuchh dawa main ne bhi ki

kis ne kya manga falak se aur kis ko kya mila

hath tu ne bhi uthae the dua main ne bhi ki

main tira hissa na ban paya ye achchha hi hua

go ye khwahish ai hujum-e-dil ruba main ne bhi ki

sabza-e-begana se rishta mira kuchh kam nahin

is chaman ki abiyari ai ghata main ne bhi ki