یقیناً ہم کو گھر اچھے لگے تھے

یقیناً ہم کو گھر اچھے لگے تھے

مکیں پہلے مگر اچھے لگے تھے

اسے رخصت کیا اور اس سے پہلے

یہی دیوار و در اچھے لگے تھے

وہ دریا ہجر کا تھا تند دریا

اداسی کے بھنور اچھے لگے تھے

ہمارے ہاتھ میں پتھر کا آنا

درختوں پر ثمر اچھے لگے تھے

صعوبت تو سفر میں لازمی تھی

مگر کچھ ہم سفر اچھے لگے تھے

وہ چہرے جن پہ روشن تھی صداقت

لہو میں تر بتر اچھے لگے تھے

yaqinan ham ko ghar achchhe lage the

makin pahle magar achchhe lage the

use rukhsat kiya aur is se pahle

yahi diwar-o-dar achchhe lage the

wo dariya hijr ka tha tund dariya

udasi ke bhanwar achchhe lage the

hamare hath mein patthar ka ana

darakhton par samar achchhe lage the

suubat to safar mein lazmi thi

magar kuchh ham safar achchhe lage the

wo chehre jin pe raushan thi sadaqat

lahu mein tar bittar achchhe lage the