ہمیں کچھ اور جینا ہے تو دل کو شاد رکھیں گے

ہمیں کچھ اور جینا ہے تو دل کو شاد رکھیں گے

بہت کچھ بھول جائیں گے بہت کچھ یاد رکھیں گے

ابھی کچھ اور کرتب دیکھنے بھی ہیں دکھانے بھی

تماشہ گاہ عالم ہم تجھے آباد رکھیں گے

اگر گھر کا خیال آیا تو رستہ بھول جائیں گے

سفر میں دشت کو جاتے ہوئے ہم یاد رکھیں گے

مقابل آئیں گے ہر بار تازہ حوصلہ لے کر

تجھے ہم آزمائش میں ستم ایجاد رکھیں گے

پرانی ہو گئی دنیا اسے مسمار کرنا ہے

نئی تعمیر کی خاطر نئی بنیاد رکھیں گے

hamen kuchh aur jina hai to dil ko shad rakhenge

bahut kuchh bhul jaenge bahut kuchh yad rakhenge

abhi kuchh aur kartab dekhne bhi hain dikhane bhi

tamasha gah-e-alam ham tujhe abad rakhenge

agar ghar ka khayal aya to rasta bhul jaenge

safar mein dasht ko jate hue ham yad rakhenge

muqabil aenge har bar taza hausla le kar

tujhe ham azmaish mein sitam ijad rakhenge

purani ho gai duniya use mismar karna hai

nai taamir ki khatir nai buniyad rakhenge