میں خواب اپنے سارے نیلام کر رہا ہوں

میں خواب اپنے سارے نیلام کر رہا ہوں

اور یہ بھی جان لو کہ بے دام کر رہا ہوں

اس سے غرض نہیں ہے بولی لگے گی کیسے

جو کام کرنا ہے بس وہ کام کر رہا ہوں

وہ سب کہانیاں جو پوری نہیں ہوئی تھیں

تحریر آج ان کا انجام کر رہا ہوں

تھک ہار سا گیا تھا میں راہ چلتے چلتے

سایہ جو مل گیا ہے آرام کر رہا ہوں

سیر جہاں کی فرصت ملتی کہاں ہے مجھ کو

اب کیا بتاؤں تم کو کیا کام کر رہا ہوں

main khwab apne sare nilam kar raha hun

aur ye bhi jan lo ke be dam kar raha hun

us se gharaz nahin hai boli lagegi kaise

jo kam karna hai bas wo kam kar raha hun

wo sab kahaniyan jo puri nahin hui thin

tahrir aj un ka anjam kar raha hun

thak har sa gaya tha main rah chalte chalte

saya jo mil gaya hai aram kar raha hun

sair jahan ki fursat milti kahan hai mujh ko

ab kya bataun tum ko kya kam kar raha hun