اس کے پرتو سے ہوا ہے زعفرانی رنگ کا

اس کے پرتو سے ہوا ہے زعفرانی رنگ کا

آئینہ تو آج بھی ہے کہکشانی رنگ کا

ہجر کے بادل چھٹے تو وصل کی تقویم میں

دل ہویدا ہو رہا ہے گلستانی رنگ کا

پیرہن اس کا ہے ایسا یا جھلکتا ہے بدن

اک پری وش رقص میں ہے ارغوانی رنگ کا

آج کی شب خاص ہوگی جب سناؤں گا اسے

ایک قصہ اپنا ذاتی داستانی رنگ کا

دوستوں کی مہربانی سے ہوا یہ کام بھی

میں نے دیکھا ہی نہیں تھا خون پانی رنگ کا

گر دلوں سے یوں دھواں اٹھتا رہے گا رات دن

آسماں کیسے بچے گا آسمانی رنگ کا

ہاں اسی نے پھول ٹانکے ہوں گے ان اشجار پر

جس نے مٹی کو دیا ہے جبہ دھانی رنگ کا

us ke partau se hua hai zafrani rang ka

aina to aj bhi hai kahkashani rang ka

hijr ke badal chhute to wasl ki taqwim mein

dil huwaida ho raha hai gulistani rang ka

pairahan us ka hai aisa ya jhalakta hai badan

ik pari wash raqs mein hai arghawani rang ka

aj ki shab khas hogi jab sunaunga use

ek qissa apna zati dastani rang ka

doston ki mehrbani se hua ye kam bhi

main ne dekha hi nahin tha khun pani rang ka

gar dilon se yun dhuan uthta rahega rat din

asman kaise bachchega asmani rang ka

han usi ne phul tanke honge un ashjar par

jis ne mitti ko diya hai jubba dhani rang ka