زمین بارہا بدلی زماں نہیں بدلا

زمین بارہا بدلی زماں نہیں بدلا

اسی لیے تو یہ میرا جہاں نہیں بدلا

نہ آرزو کوئی بدلی نہ میری محرومی

بدل گیا ہے رویہ سماں نہیں بدلا

اداسی آج بھی ویسی ہے جیسے پہلے تھی

مکیں بدلتے رہے ہیں مکاں نہیں بدلا

کبھی چراغ کبھی دل جلا کے دیکھ لیا

ذرا سا رنگ تو بدلا دھواں نہیں بدلا

پرندے اب بھی چہکتے ہیں گل مہکتے ہیں

سنا ہے کچھ بھی ابھی تک وہاں نہیں بدلا

دلوں کا درد کسی طور کم نہیں ہوگا

اگر تصور سود و زیاں نہیں بدلا

zamin barha badli zaman nahin badla

isi liye to ye mera jahan nahin badla

na arzu koi badli na meri mahrumi

badal gaya hai rawayya saman nahin badla

udasi aj bhi waisi hai jaise pahle thi

makin badalte rahe hain makan nahin badla

kabhi charagh kabhi dil jala ke dekh liya

zara sa rang to badla dhuan nahin badla

parinde ab bhi chahakte hain gul mahakte hain

suna hai kuchh bhi abhi tak wahan nahin badla

dilon ka dard kisi taur kam nahin hoga

agar tasawwur sud-o-ziyan nahin badla