کیا سنے کوئی زبانی میری

کیا سنے کوئی زبانی میری

اور پھر وہ بھی کہانی میری

شہر صحرا کی طرح لگتا ہے

رائیگاں نقل مکانی میری

ایک چہرہ مرے چہرے سے الگ

ایک تصویر پرانی میری

میں کہ دریا تھا جو اب ساکت ہوں

کھو گئی مجھ میں روانی میری

رات شبنم میں بہت بھیگا تھا

دیکھ اب شعلہ فشانی میری

kya sune koi zabani meri

aur phir wo bhi kahani meri

shahr sahra ki tarah lagta hai

raigan naql-e-makani meri

ek chehra mire chehre se alag

ek taswir purani meri

main ke dariya tha jo ab sakit hun

kho gai mujh mein rawani meri

rat shabnam mein bahut bhiga tha

dekh ab shola fishani meri